2 orë në mbledhje/ Zbardhen detajet, Marku dhe Gjekmarkaj i bëjnë kërkesën e bujshme Bashës – Korrieri.net


Pas rreth 2 orëve ka mbaruar mbledhja në selinë blu e kryetarit të Partisë Demokratike, Lulzim Basha dhe kandidatëve të PD për deputetë të 25 prillit.

Burime i thanë gazetares së Top Channel, Elda Menga se Mark Marku kërkoi të bëhen reagime të forta, duke kërkuar  edhe protesta me arsyetimin se njerëzit duan të dinë çfarë qëndrimi do mbajë PD. Të njëjtin qëndrim mbajti edhe kolegu i tij Agron Gjerkmarkaj.

“Gjëja më e thjeshtë për mua është të thërras protesta. Por po pas kësaj? Jo, sepse nuk është kjo koha. Prioriteti ynë është të vetëdijësojmë njerëzit për masakrën elektorale që edhe protesta të ketë kuptim”, ka thënë Basha.

Basha theksoi se pavarësisht vjedhjes së votave nga partia rivale, PD u bë më e fortë se kurrë në këto zgjedhje. Gjithashtu lideri i opozitës u shpreh se misioni për të sjellë ndryshimin në Shqipëri vijon me fuqi maksimale.

“Dua të falënderoj secilin nga ju. Ju keni punuar shumë fort me besimin e palëkundur në rrugën tonë, në demokracinë tonë, në vendin tonë. Pavarësisht vjedhjes më të madhe të votave në historinë e Shqipërisë të kryer nga Rama-Doshi, ne sollëm një arritje të madhe për partinë tonë dhe për vendin tonë. Ne, pa hequr dorë nga vlerat tona, u bëmë më të fortë kudo. Tani do të luftojmë me të gjitha fuqinë tonë deri në fitore. Fushata jonë nuk ka mbaruar, ajo vazhdon me energji maksimale. Unë do takoj njerëzit në terren, për t’i falënderuar, për të biseduar me ta, për t’i dëgjuar, duke ju kërkoj që edhe ju të bëni të njëjtën gjë në ditët në vijim. Së bashku do të fitojmë! Fushata dhe misioni ynë për të sjellë ndryshimin në Shqipëri vazhdon me fuqi maksimale. Pavarësisht vjedhjes më të madhe të votave në historinë e Shqipërisë, PD u bë më e fortë se kurrë”, tha Basha.

Kujtojmë se në zgjedhje PD arriti të merrte 59 mandate, kurse PS 74, ndërsa Basha nuk njeh fitoren e partisë kundërshtare. Gjithashtu grupe “Basha boll” janë riaktivizuar për të rrëzuar nga posti Bashën, duke e fajësuar për humbjen e zgjedhjeve të 25 prillit.


Share:

Author: rda

Leave a Reply

Your email address will not be published. Required fields are marked *