Ne Shqiperi nuk kishim asnje shprese/ Kush eshte biznesmeni Shkodran në Itali që dhuron bukë falas për të varfrit

Shqiptari Lulëzim Vulashi nga Shkodra është një biznesmen i suksesshëm në Firence në fushën e gastronomisë. Ai u largua nga Muriqani drejt Italisë në vitin 1997 dhe dëshira më e madhe ishte të punonte në një sektor që lidhej me ushqimin.

Pas disa përvojave tek bizneset e tjera, bashkë me familjen, ai hapi eno-gastronominë e tij ku bashkë me verën tregtonte edhe ushqime. Që në fillimet e pasionit të tij për gatimin ai nisi paralelisht edhe të bënte akte bamirësie duke u ofruar ushqim të varfërve në Itali.

Së bashku me familjen ata kanë dhuruar bukë, kanë mbledhur para për spitalet, kanë organizuar darka për fëmijët e kishave. Kjo ishte dhe një nga arsyet kryesore që ai gjeti mbështetje në komunitet dhe klientët iu shtuan shumë shpejt.

Edhe gjatë periudhës së pandemisë ai nuk e ka mbyllur asnjëherë restorantin, sepse ka funksionuar me dërgimin e porosive nëpër shtëpi.

Në një lidhje Skype nga Firence për “Wake Up”, Lulëzimi rrëfeu më shumë për rrugëtimin e suksesshëm në botën italiane të gastronomisë.

“Kohët në Shqipëri ishin shumë të vështira në 1997, ka folur historia për Shqipërinë. Nuk kishim asnjë shpresë të punonim ose të bënim diçka për të ardhmen.

Si shumë të tjerë është unë vendosa të iki në Itali. Vija në Firence, sepse ishte qyteti i arkitekturës dhe kisha ëndërr të vijoja arkitekturën.

Por nuk kisha shumë mundësi të studioja fillimisht dhe fillova të punoj dhe kam pas gjithmonë pasion verërat. Më shumë vështirësi gjithmonë, pas shumë sakrificave, punëve, arrita ta realizoja.

Është kosto të dhurosh bukë falas, por si të them, fillimisht kisha dëshirë të bëja diçka për këtë vend që më priti krahëhapur. Më dha shpresë, më dha punën, më dha të ardhmen. Fillimisht kur hapa dyqanin, shumica e miqve të mi në atë kohë ishin në krizë, kishin probleme ekonomike. ‘Kemi frikë të bëjmë fëmijë e shumë si këto’, më thoshin.

Dhe unë me shaka u thosha: ‘Ju bëni fëmijë se bukën ua garantoj unë gjithmonë’. Dhe kështu ndodhi. Ne filluam t’u jepnin bukë falas të gjitha nënave derisa fëmija të bënte 6 muaj. Një përqindje të vogël të fitimeve e kemi dhënë për njerëzit të nevojë”, u shpreh biznesmeni shqiptar.

Share:

Author: comrdanews

Leave a Reply

Your email address will not be published. Required fields are marked *