Aeroporti i Rinasit njoftim të rëndësishëm për udhëtarët: “Paraqituni 3 orë para fluturimit”





TIA (Tirana Internatonal Airport) ka njoftuar të gjithë udhëtarët të cilët kanë planifikuar të përdorin linjat ajrore të paraqiten 3 orë përpara fluturimit. Në lajmërimin e aeroportit të Rinasit, thuhet se në këtë mënyrë pasagjerët do të kenë mundësi të bëjnë kontrollin e dokumentacionit për vendet që kanë vënë kufizime për pasaportat shqiptare, paraqitjen e testit PCR apo antigen në sportelet e TIA-s të pranimit të biletave sipas kritereve të vendeve ku udhëton.

Njoftimi nga TIA

Në vëmendje të të gjithë pasagjerëve që udhëtojnë nga Tirana International Airport

Duke marrë shkas nga rritja e fluksit të pasagjerëve që udhëtojnë nga TIA në këto ditë të sezonit veror, si dhe ardhjen e shumë bashkatdhetarëve nga jashtë, kontrollin e dokumentacionit për vendet që kanë vënë kufizime për pasaportat shqiptare – sidomos Italia – si dhe paraqitjen e testit PCR apo antigen në sportelet e TIA-s të pranimit të biletave – sipas kritereve të vendeve ku udhëtoni – sugjerojmë që paraqitja në aeroport të jetë 3 orë përpara udhëtimit.

Kjo kohë do të jetë e mjaftueshme që të organizoheni përpara fluturimit tuaj, qoftë për parkimin e automjetit tuaj, qoftë për kontrollin e dokumentacionit që kërkohet për vendet respektive ku udhëtoni.

Ju rikujtojmë se jemi në dispozion të çdo pasagjeri për t’i shërbyer sa më mirë, e në të njëjtën kohë, mbetemi besnikë të durimit dhe bashkëpunimit, sepse kohërat janë të pazakonta dhe na duhen të gjithëve fuqi të pazakonta. /News31

.




Share:

Author: rda

Leave a Reply

Your email address will not be published. Required fields are marked *