Djemtë krenarë të Forcave të Armatosura

0
17

This post has already been read 13 times!

Llogaria zyrtare në Twitter e Forcave të Armatosura Kanadeze në Shtetet e Bashkuara, ka ndarë një imazh të një ushtaraku duke puthur partnerin e tij.

Fotografia e postuar mbante emoji të flamurit të Kanadasë dhe flamurin e krenarisë, e shoqëruar me hashtagun #ProudBoys.

Ky post krijoi një stuhi në Twitter, ndërsa ai që e filloi ishte aktori dhe aktivisti i ‘Star Trek’, George Takei, ditën e shtunë.

Takei, ka qenë me partnerin e tij Brad për më shumë se 30 vjet dhe ata janë martuar legalisht 12 vjet më parë. Ai është prej kohësh avokat për të drejtat e homoseksualëve.

“Ne e dimë se çfarë do të thotë krenari e vërtetë”, tha Takei. “Janë të dobët ata të cilët kanë nevojë të varen nga armët për të bërë diçka, ata janë të rremë. Ne marshojmë në parada krenarie sepse jemi krenarë. Ne kemi arritur gjëra, kemi një histori dhe ne gëzojmë atë që kemi,”shtoi ai.

ProudBoys është një grup i ekstremit të djathtë i themeluar në vitin 2016, që e quan veten një organizatë “e bardhë shoviniste”, por konsiderohet si një grup urrejtje nga Qendra Jugore e Ligjit për Varfërinë.

Gjithsesi, pas imazhit të postuar nga Forcat Kanadeze, tani përdoruesit e Twitter janë duke zhvendosur postimet e bëra nga neo-nazistët me të njëjtin hashtag dhe po e përdorin #ProudBoys në mediat sociale me imazhe të krenarisë LGBTQI +.

Hashtagu #ProudBoys filloi të bëhet trend ditët e fundit në Amerikën e Veriut, ndërsa në një intervistë të aktorit Takei të zhvilluar me agjencinë e lajmeve Reuters, ai e përshkroi këtë fenomen si të lavdishëm dhe u shpreh me fjalët se:

“Janë të pasigurt ata që u duhet të shkojnë në një demonstratë me armët e tyre dhe pastaj sillen si ngacmues të llastuar, fëmijë, apo reagojnë me dhunë. Kjo nuk është asgjë për t’u krenuar. Kjo është diçka për t’u turpëruar. Ata janë të pasigurt, kanë frikë dhe janë të dobët “.

Djemtë krenarë apo ProudBoys, kanë qenë veçanërisht aktivë në Oregon, ku janë bërë shtylla kryesore e protestave të komunitet LGBTQI +.

/RDA News

LEAVE A REPLY

Please enter your comment!
Please enter your name here