Keni 100 ditë kohë, asnjë ditë më shumë, bëni shembuj çakejtë e skifterat –





Kryeministri Rama u dha afat 100 dite drejtuesve te policise qe te godasin personat qe abuzojne me detyren brenda policise se shtetit.

“Ne jemi duke punuar që më në fund të realizojmë monitorimin me kamera të rrugëve kryesore dhe pastaj të shtrihemi në të gjithë territorin për t’i dhënë mundësi policisë të kenë në sy mbi territor 24 orë. Po ashtu shtrirjen e sistemi të kamerave të trupit, po ashtu edhe pajisjen apo vënien në dispozicion të dronëve superinteligjentë për monitorim nën stop të territorit që të japë informacion në kohë reale për çdo rrënjë kanabis, ndërtim pa leje, lëvizjesh mjetesh apo forcash kriminale, tokë bujqësore, lumë, pyll e kështu me radhë. Edhe këtë ne duhet ta bëjmë.

Prioriteti i fundit është vënia në përdorim me një standard tjetër me një teknologji më të avancuar dhe një protokoll më rigoroz i komisariatit digjital. Tani kemi mundësi ta çojmë në një nivel tjetër. Që qytetarët çdo komisariat ta ketë në xhep. Ai do jetë syri juaj dhe partneri juaj. Këtu do përmend një element që është shumë shqetësues.

Denoncimet për dhunë në familje. Është shqetësuese që policia e shtetit ka ndjeshmëri të ulët ndaj këtij fenomeni duke shpërfillur britmat e grave dhe vajzave që dhunohen. Shpërfillen totalisht vuajtjet dhe dhimbjet e patregueshme të atyre që mund të ishin gratë dhe motrat e secilit prej jush dhe nesh. Duhet ndërtuar një rrjetë me personat përgjegjës, dhe jo një çështje mes çështjeve të tjera. Çdo komisariat do ketë personat përgjegjës për dhunën në familje dhe çdo thirrje të trajtohet, dhe pastaj ato përfundojnë në tehun e sëpatës.

Nuk mund të ketë. E mbyll aty ku e nisa për të thënë që pritshmëria është e lartë dhe ky fakt është shumë motivues, frymëzues dhe domethënës. Aty ku është pritshmëria e lartë domethënë që ka besim që gjërat mund të bëhen.

Sot pritshmëria është shumë e lartë nga unë, nga shumica e dalë nga zgjedhjet, nga të gjithë strukturat. Kësaj pritshmërie duhet t’i qëndrojmë përballë. 100 ditë kohë për ta rivënë trupën në angazhim total nga i pari te i fundit. Asnjë ditë më shumë që qytetarët të marrin frymë më të lehtësuar. Të gjithë duhet të shkojnë para drejtësisë. 100 ditë”, tha Rama.




Share:

Author: rda

Leave a Reply

Your email address will not be published. Required fields are marked *