KRENARE/Këngëtarët shqiptarë po pushtojnë botën, e thote nje nga gazetat me prestigjoze ne bote

0
153

This post has already been read 146 times!

Këngëtarët shqiptarë po pushtojnë botën shkruan në një artikull të saj revista britanike “The Economist“. Ata në artikullin e tyre kanë bërë një shkrim mbi famën që gëzojnë kohët e fundit në botë e muzikës yjet me prejardhje etnike shqiptare.

Shqiptarët etnikë më të njohur shqiptare, deri më tani kanë qenë Nënë Tereza dhe diktatori komunist Enver Hoxha, por së fundmi kësaj liste së shenjtorit dhe mëkatarit i shtohen edhe këngëtarët. Ata janë kudo. Dua Lipa ka 55 milion dëgjues mujorë në Spotify, Bebe Rexha ka 24 milion. Rita Ora ka pasur pesë hite në vend të parë në Britani dhe ka qenë në jurinë e ‘X Factor’. Era Istrefi këndoi në finalen e Botërorit 2018. Njomza Vitia, një këngëtare dhe kantautore dhe Labinot Gashi, një reper, kanë audiencë globale. Singëlli seksi i Ava Max, “I ëmbël, por psikopat” konsiderohet botërisht më argëtuese sesa analiza e Hoxhës: “Shqipëria sfidon revizionizmin e Hrushovit”,

Të gjithë këta yje përveç Era Istrefit janë rritur jashtë Shqipërisë, por ata gjithmonë krenohen me përkatësinë kombëtare. Shpesh ata e shprehin këtë duke interpretuar në shtëpi, të mbështjellë më flamuj kosovarë ose shqiptarë, pasi shumica prej tyre janë më origjinë kosovare, Max i ka rrënjët në Shqipëri, ndërsa Lipa, Max, Rexha dhe Vitia kanë lindur në Londër, kurse Bebe Rexha, vjen nga Maqedonia e Veriut. Gjithashtu, gjatë vizitave në Shqipëri ato shpesh kanë shprehur krenarin që ndjejnë që janë nga Shqipëria. Në histori, thotë Dukagjin Lipa, shqiptarët janë dërrmuar, por suksesi i kësaj gjenerate muzikantësh tregon se “po të na jepet mundësia, ne shkëlqejmë”.  Besa Luci, kryeredaktorë e revistës Kosovo 2.0 , thotë se ata qartë ndiejnë nevojë për të përfaqësuar kombin dhe në këmbim të tyre fitojnë dashurinë e fansave. “Zemra ime rrjedh gjak shqiptar,” ka thënë Bebe Rexha gjatë një vizite në Shqipëri.

Në korrik, Dua Lipa ndezi një debat pasi postoi një hartë që lidhet me nacionalistët ekstremë shqiptarë, ku shfaqet Shqipëria e Madhe. Prindërit e tyre u rritën jashtë vendit, pasi u larguan nga Ballkani në fillimet e trazirave të viteve ’90. Por nuk ishte gjithmonë një histori e të varfërve që bëhen të pasur. Familjet Ora dhe Lipa ishin pjesë e elitës në Kosovë. Të dy vajzat ndoqën një shkollë të njohur të arteve në Londër. Yjet e muzikës pop, së bashku me një grup futbollistësh shqiptarë në skuadrat kryesore të Europës, luajnë një rol tepër të rëndësishëm për të ndihmuar në ndryshimin e imazhit të shqiptarëve, thotë Petrit Selimi, një ish-ministër i jashtëm i Kosovës. Në vitin 2016, me një stil të pazakontë serioz, Rita Ora performoi në Romë për të festuar shenjtërimin e Nënë Terezës.

The Economist

LEAVE A REPLY

Please enter your comment!
Please enter your name here