Deputeti aktual Pandeli Majko, përmes një statusi në “Facebook” ka reaguar, pasi nuk ka mundur dot që të marrë mandatin e deputetit në zgjedhjet e 25 prillit.

Majko thekson se edhe pse ishte ndër 10 më të votuarit në kryeqytet, nuk ia doli dot të marrë një ulëse në Kuvend, duke shtuar se është mirënjohës ndaj të gjithë atyre që e votuan.

Postimi i Pandeli Majkos:

Miq, megjithëse matematika më rendit në 10 kandidaturat e votuara në qarkun e Tiranës, në zgjedhjet e 25 prillit, unë nuk do të jem deputet në Kuvendin e Shqipërisë.

Sistemi elektoral është ky që kemi pranuar. Përvoja më ka mësuar se duhet të jesh i gatshëm të shohësh atë që ekziston.

Isha i bindur se do ti fitonim 19 mandate në Tiranë. Ndaj fushatën për numrin tim personal 19 e kalova në plan të dytë. Edhe për këtë arsye, rezultati nuk është një përrallë që e mposht me logjikë.

Ju falenderoj që votuat për numrin 12, Partinë Socialiste!

Sic do të thoshte im atë ndjesë pastë,… “19-ta kërkon leje për tu ulur në aeroport!” Ju jam mirënjohës që më bëtë ky që jam.

Shpresoj tu kem dhënë “everything”! Mirupafshim! Pandi Tiranë 30 Prill 2021


Leave A Reply

Please enter your comment!
Please enter your name here