Manchester City përgatit ofertën: 500 milionë euro për Leo Messin

0
18






Manchester City nuk dorëzohet dhe paraqet një tjetër ofertë për Lionel Messi. Pas tentativës së pasuksesshme gjatë verës, kur ylli argjentinas dukej pranë largimit nga Barcelona, klubi anglez i ka paraqitur një tjetër ofertë stafit që kujdeset për karrierën e numrit 10. Propozimi, sipas të cilit Messi do të ribashkohej me Pep Guardiolën, duket i parefuzueshëm.

Duke qenë se në fund të sezonit Leo do të largohet me parametër zero, atëherë oferta financiare lidhet vetëm me përfitimet e futbollistit. Dhe për të siguruar shërbimet e një prej lojtarëve më të mëdhenj në histori, “Citizens” nuk do të kursehen.

Sipas tabloidit The Sun, kryesuesit e Premier League kanë ofruar rreth 500 milionë euro. Shifër e jashtëzakonshme, por gjithsesi më e ulët se 700 milionët e përfolura se u ofruan gjatë vitit të kaluar. Propozimi parashikon që Messi të luajë dy vjet te Manchester City, me opsion për një sezon të tretë.

Kontrata e vendosur në tryezën e babait të sulmuesit, Jorge, mund të zgjasë deri në tetë vjet, nga të cilat dy sezone te New York City në elitën e futbollit amerikan, një vit në Indi ose Emiratet Arabe kur Leo të jetë 40 vjeç, por edhe rolin e ambasadorit për City Football Group, që kontrollon 10 klube në 4 kontinente.

.






LEAVE A REPLY

Please enter your comment!
Please enter your name here