“Mos shkoni në spital, kemi fakte se…”- Spitali del urgjent me reagim pas akuzave të dy motrës

0
20




QSUT ka reaguar zyrtarisht pas deklaratave tronditese dhe denoncimit te rende te dy motrave pas vdekjes se babait te tyre ne Spitalin Infektiv.

Në deklaratën e saj QSUT shprehet se pacienti ka mbërritur me urgjencë në datën 15 shkurt në gjendje shumë të rënduar. Edhe pse në gjendje shumë të rënduar, mjekët i kanë kryer skanerin pacientit 45 minuta pasi kishte mbërritur.

Ndërkohë sipas sqarimit të spitalit, dy motrat kanë pasur një përplasje me mjeken roje pasi kërkonin nxjerrjen nga spitali të pacientit dhe dërgimin e tij për trajtim në një spital Evropian.

Ndërkohë mbi deklaratën e motrave se mjekja Migena Qato nuk iu përgjigj mbi gjendjen shëndetësore të të atit, QSUT shkruan se kanë komunikuar çdo 15 minuta me motrat pavarësisht sjelljes së tyre. Pas komunikimit me mjeken Qato, me dy motrat ka komunikuar dhe Shefja e Shërbimit Najada Çomo.

Reagimi i QSUT:

“Në vijim të një interviste të dhënë sot nga vajzat e qytetarit R.L., duke respektuar dhimbjen dhe rolin që ajo luan në gjykimin e tyre, dëshiron të sqarojë opinionin publik si vijon:

Pacienti me inicialet R.L ,79 vjec, ka mbërritur me urgjencë pranë Spitalit Covid 1, ora 16:30 të datës 15 Shkurt 2021, në një gjendje shumë të rënduar shëndetësore, në kushtet e Insuficiencës së rëndë respiratore (me saturime 70% nën oksigjenoterapi 20L)

Menjëherë është pranuar në urgjencën e Spitalit Covid 1 dhe ka marrë shërbimin e nevojshëm shëndetësor, sipas protokolleve.

I është bërë skaneri ne orën 17:15, është komunikuar menjëherë pas realizimit të skanerit me familjarët duke ju shpjeguar gjendjen tepër të rëndë si në aspektin klinik ashtu edhe atë imazherik. Gjendja e pacientit ka vazhduar të jetë e rënduar, ndërkohë që ka qenë gjatë gjithë kohës në oksigjenoterapi (sipas rekomandimeve edhe te mjekeve reanimatore).

Ndërkohë, mjekja e rojës është gjendur vazhdimisht nën presionin dhe ndërhyrjet e familjarëve, të cilët kanë patur madje dhe një komunikim të acaruar mes tyre, në ambjentet e jashtëme të spitalit, mbi vendimin për ta mbajtur apo për ta nxjerrë pacientin nga spitali dhe për ta dërguar në nje shtet tjetër Europian për trajtim.

Duke e mirëkuptuar gjendjen e rënduar të të afërmve, mjekja roje dhe kuruese Dr. Migena Qato ka komunikuar me ta çdo 15 minuta, pavarësisht se sjellja e tyre kundrejt saj, ia ka vështirësuar tej mase ushtrimin e detyrës dhe ofrimin e shërbimit për pacientët e shumtë që merrnin shërbim në spitalin Covid 1 ku mjekja shërbente.

Në vijim komunikimi me dy motrat ka vazhduar edhe nga Shefja e Shërbimit Prof. Najada Çomo.

Sigurojmë dhe një herë familjaret dhe qytetarët se pacientit i janë kryer të gjitha shërbimet e nevojshme, por për fat të keq ai nuk ia ka dalë dot për shkak të gjëndjes së rënduar të mushkërive, në momentin e mbërritjes së tij në spital.

QSUNT hedh poshtë çdo insinuatë për mungesë shërbimi, dhe është e gatshme të ofrojë të gjithë informacionin dhe provat e nevojshme, që vërtetojnë të kundërtën.

Lusim mediat që të inkurajojnë qytetarët të paraqiten në kohë pranë shërbimeve shëndetësore për të marrë shërbimin e nevojshëm në kohën e duhur, pasi cdo vonesë sjell pasoja në shëndetin e tyre.

Gjithashtu garantojme që stafi ynë mjeksor do bëjë të pamundurën, ashtu sic ka vepruar per gjatë gjithë kësaj periudhe pandemie me një përkushtim të jashtzakonshëm! ”





LEAVE A REPLY

Please enter your comment!
Please enter your name here