NASA: Ka ujë në Hënë


NASA ka njoftuar se është gjetur ujë në Hënë.

Sipas kërkimeve, uji mund të shpërndahet drejtpërdrejt në sipërfaqen hënore, jo vetëm në pjesët e ftohta dhe të pandriçuara të hënës.

Zbulimi përfaqëson një përparim të madh në misionin e eksplorimit të pjesës tjetër të sistemit diellor, si dhe dhënien e një kuptimi më të mirë të sipërfaqes hënore

Pyetje të reja po ngrihen gjithashtu rreth asaj se si saktësisht uji mbërriti atje dhe si është në gjendje të mbijetojë në kushtet e vështira në Hënë.

“Ne konfirmuam ujin në sipërfaqen e Hënës për herë të parë me ndihmën e teleskopit SOFIA. Ne ende nuk e dimë nëse mund ta përdorim atë si një burim, por të mësosh rreth ujit në hënë është thelbësore për planet tona kërkimore,” njoftoi administratori i NASA-s, Jim Bridenstein.

Ai deklaroi se nuk dihet ende nëse mund të përdoret si burim. Detajet e zbulimit do të njoftohen në një konferencë shtypi që do të mbahet së shpejti.

Pasi ka lëshuar paralajmërime ditë më parë për një zbulim të ri emocionues mbi hënën, agjencia hapësinore amerikane ka publikuar provat përfundimtare të ujit në satelitin tonë të vetëm natyral.

Dokumentimi i pangatërrueshëm i ujit molekular rrit shpresat e NASA-s për ngritjen e një baze në hënë. Qëllimi është që ajo bazë të mbështetet nga burimet natyrale të vetë Hënës.

Zbulimet janë publikuar në revistën Nature Astronomy. Ndryshe nga vrojtimet e mëparshme ku në pjesë të mbuluara nga hijet të kratereve të hënës ishte pikasur ujë, shkencëtarët tani kanë pikasur molekulat e ujit në rajonet e ndricuara nga dielli të sipërfaqes së hënës.

Agjencia amerikane e hapësirës ka thënë se do të dërgojë gruan e parë dhe njeriun e radhës në sipërfaqen e hënës në 2024 për tu përgatitur për hapin tjetër gjigand, eksplorimin e marsit nga 2030-ta. Ekspertët thonë se uji në hënë hedh bazat për një ekonomi të ardhshme hënore.

Është shumë më lirë të prodhohet karburant për raketat hapësinore në hënë se sa të dërgohet ai nga toka. Ndaj kur eksploruesit e ardhshëm hënorë të duan të kthehen në tokë ose të udhëtojnë në destinacione të tjera, ata mund ta kthejnë ujin në hidrogjen dhe oksigjen, çka zakonisht përdoret për të furnizuar mjetet hapësinore. Furnizimi në hënë mund të ulë kështu koston e udhëtimeve hapësinore dhe ta bëjë një bazë në hënë, më të përballueshme.

The post NASA: Ka ujë në Hënë appeared first on Roba Da Albanesi.