Kryeministri Edi Rama ka vijuar edhe sot inspektimet në zonën e Durrësit, aty ku vazhdon procesi i Rindërtimit të objekteve të dëmtuara nga tërmeti.

Në fillim ai vizitoi shkollën e rindërtuar “Bedrie Bebeziqi”, teksa tha se qyteti i Durrësit do të marrë hov në viitet e ardhshme. Më tutje kreu i qeverisë bashkë me ministrin e Rindërtimit Arben Ahmetaj vizitoi familjen tropojane në Durrës, të cilët u bënë me shtëpi të re, pasi banesa që jetonin iu dëmtua nga tërmeti, ndërsa vite më parë në 1997 shtëpia që kishin në Tropojë iu dogj.

Pasi u rehatuan dhe po diskutonin, në një moment ishte kryeministri Rama që u ngrit dhe mori tabakanë me gotat e rakisë. E zonja e shtëpisë temtoi ta ulte dhe të shërbente ajo, por Rama këmbënguli, teksa “bëri fajtor” të zotin e shtëpisë pasi sipas Ramës ai duhet të ngrihej dhe të shërbente.

Kreu i PS në fillim mbushi gotën e zonjave të pranishme aty dhe gotën e vetë, më pas i tha me humor të zotit të shtëpisë që gotën e tij dhe të Ben Ahmetajt ta mbushte vetë.


Leave A Reply

Please enter your comment!
Please enter your name here