Përkeqësohet moti për nesër, paralajmërojnë sinoptikanët: Lumenjtë mund të dalin nga shtrati

0
25

This post has already been read 15 times!

Pritet që reshjet e shiut të shtohen gjatë ditës së nesërme, duke shënjuar kështu përkeqësimin e motit për këtë stinë.

Sasia më e madhe e shiut për ditën e sotme është regjistruar në Shkodër 40 milimetra, ndërsa 32 milimetra, është regjistruar në kryeqytet.

Reshjet më të pakta janë shënuar në Pogradec edhe në Korçë.

Ndërkohë sinoptikanët kanë bërë një parashikim 5 ditor të reshjeve të shiut. Sipas këtij parashikimi në Shkodër do të bien 160 milimetra shi, në Pukë 150, në Tropojë 140, në Lezhë 130, ndërsa në Tiranë sasia e shiut që pritet të bjerë është sërish e madhe, 120 milimetra shi, po kaq pritet të bjerë edhe në Sarandë e Gjirokastër.

100 milimetra do të bjerë në Durrës dhe në peshkopi ndërsa më pak reshje do të bien në Vlorë, Fier dhe Berat me nga 90 deri në 80 milimetra shi. Kjo është një sasi shumë e madhe uji që do shkarkohet brenda një kohe të shkurtër dhe do të rrisë së tepërmi nivelin e lumenjve dhe të përrenjve.

Konkretisht më së shumti rrezikohet që të shkaktohen problem në Shkodër për shkak se reshjet janë parashikuar të jenë 160 milimetra ose 160 litra për m2. Kështu në Shkodër rrezikon të dalë nga shtrati lumi Buna. Ndërkohë lumenjtë e tjerë që pritet të sjellin problematika si pasojë e reshjeve janë: Buna, Fan, Mat, Drini i Zi, Shkumbini, Erzeni dhe lumi Drino.

Ndërkohë era sot do jetë problematike kryesisht në detin Jon ku shpejtësia mbetet rreth 65 km/h ndërsa nesër pasdite do ketë një tjetër forcim të erës në det dhe territor, duke arritur shpejtësi deri 75 km/h ndërsa dallgëzimi ne det ngjitet ne 6 ballë. Reshjet mbeten prezente thuajse në gjithë vendin në formë rrebeshi.

/RDA News

LEAVE A REPLY

Please enter your comment!
Please enter your name here