Rama u bën premtimin e madh emigrantëve shqiptarë/ Po erdhët në atdhe do t’ju jap nga 5 mijë euro






Kryeministri i vendit, Edi Rama nga Belshi ka folur për mundësitë që vendi u jep emigrantëve për të kthyer në vendin e tyre.

Rama iu ka bërë thirrje emigrantëve shqiptarë, që të kthehen në vendin e tyre për të investuar, duke shtuar se në mandatit e tretë, qeveria do t’i japë 5 mijë euro grant çdo emigranti që vjen e ndërton shtëpinë e babait apo të gjyshit, për të nxitur kështu agro-turizmin.

Rama: Shumë më tepër turistë të huaj do të vijnë këtu për të kaluar më tepër se fundjavën. Kjo do të sjellë një rritje të strukturave akomoduese, të bujtinave dhe transformimin e shumë dhomave për të mikpritur njerëz. Ky është një vend i bekuar dhe është dashur vetëm të imagjinohet me guxim e ardhmja dhe të punohet për të ardhmen. Siç tregojnë shifrat konkrete të bizneseve që hapen, të dhomave që shtohen, për të kuptuar se jemi ekzaktësisht në rrugën e duhur për Belshin.

Këtu si kudo ka plot vajza e djem që jetojnë në emigracion, është koha për tju dhënë jo vetëm mesazhin por edhe shtytjen që kursimet në emigracion ti investojnë në shtëpitë që kanë lënë këtu. Për ti kthyer ato shtëpi në bujtina. Për këtë arsye në planin tonë të veprimet kemi vendosur ti japim 5000 euro grant çdo emigranti që do vijë në shtëpi për të rindërtuar. Çdo emigranti do i japim mundësinë e sjelljes së parave këtu në bankat e Shqipërisë pa i kërkuar llogari përveçse që ato të mos jenë para të krimit. Është zgjedhja e tyre por ka rëndësi të vijnë për të hapur derën e shtëpisë mbyllur të gjyshit, stërgjyshërit dhe prindërve. Kjo do të sjellë një transformim të madh. Agroturizmi në Shqipëri është i ri, është akoma në embrion, ka lindur vetëm në vitet e fundit por do të shumëfishohet në gjithë Shqipërinë.

Me portin e Durrësit do të jetë një nga portet më të mëdhenj në Mesdhe. Me portin turistik të Vlorës dhe Sarandës dhe më tutje me atë të Shëngjinit do të kemi porta të reja që do të sjellim shumë më tepër njerëz. Ky është një vend i bekuar, është një parajsë e bërë nga zoti dhe e fshehur nën plehra nga njerëzit.





.

Share:

Author: rda

Leave a Reply

Your email address will not be published. Required fields are marked *