Edi Paloka ka dalë pak më parë në një deklaratë për media ku ka sulmuar Vangjush Dakon duke thënë se ai ka bashkëpunuar dhe vijon të bashkëpunojë hapur me përfaqësues të krimit, ndërsa ka komentuar gjithashtu dhe incidentin e djeshëm të ndodhur në KZAZ-në 21 në Durrës ku Vangjush Dako u përplas me Ferdinand Xhaferrin.

Paloka tha se Vangjush Dako është i shpallur non-grata nga Shtetet e Bashkuara, por me ngjarjen e djeshme tregoi se është lideri real i PS-së në Durrës.

Deklarata e Edi Palokës:

Edi Rama ka bashkёpunuar dhe vazhdon tё bashkёpunojё hapur me pёrfaqёsues tё krimit.

Vangjush Dako, njeriu mё i afёrt i Ramёs nё Durrёs, nё listёn e Departamentit tё Shtetit Amerikan si figura mё e korruptuar dhe e lidhur me krimin nё Shqipёri, provokoi dhe fyeu kryetarin e Partisё Demokratike nё Durrёs, Z. Ferdinand Xhaferri. Ngjarja ndodhi nё ambjentet e Pallatit tё Sportit nё, ku numёroheshin votat e KZAZ 21 nё Durrёs. I shpallur non-grata nga SHBA, Dako nuk ka hezituar asnjё moment të tregojë se ai ёshtё kryetari real i PS-së në zgjedhjet e Durrёsit.

Sot fryma e ndryshimit ёshtё mё e madhe se asnjёherё tjetёr. Ne jemi mё tё fortё dhe mё tё vendosur se kurrё dhe me vendosmёri ne do tё luftojmё çdo ditё pёr tё mbrojtur demokracinё dhe për të sjellë sё bashku njё tё ardhme mё tё mirё pёr vendin tonё.

Ne do tё vazhdojmё tё luftojmё derisa demokracia tё fitojё.

 

 

 

 


Leave A Reply

Please enter your comment!
Please enter your name here