Categories: Uncategorized

“Vilsoni e Klementi rrahën Danjelin”, detaje të reja nga zhdukja e të rinjve në Malësi të Madhe, konflikti për ngarkesën e hashashit

Detaje të reja dhe dëshmitë janë zbardhur rreth ngjarjes së ndodhur në fshatin Vrith të Malësisë së Madhe ku rezultojnë të humbur tre personave mes të cilëve dy dyshohen si të vrarë dhe të zhdukur, shtetasit Vilson Çutaj dhe Klement Pepaj. Autor i dyshuar i vrasjes dhe zhdukjes së tyre dyshohet se është shtetasi Danjel Pepaj. Në tre tetor ditën kur dyshohet se ka ndodhur ngjarja të tre shtetasit kanë shkuar në Bajzë të Malësisë së Madhe ndërsa i ka dërguar me makinë vëllai i Vilson Çutaj, shtetasi Olsi Çutaj. Tek lokali në Bajzë shtetasit Vilson Çutaj dhe Klement Pepaj dyshohet kanë rrahur personin tjetër Danjel Pepaj duke e akuzuar se i kishte vjedhur një sasi prej 20 kilogram canabis sattiva duke dyshuar se e ka korrur pa iu treguar atyre dyve.

Në dëshminë e tij vëllai i Vilson Çutaj ka deklaruar për policinë se ai nuk ka dëgjuar se për çfarë konflikti bëhej fjalë pasi tre shtetasit e kanë zhvilluar debatin në pjesën mbrapa lokalit. “Kur kam dëgjuar se po bërtistin jam ngritur nga lokali dhe kam shkuar për t’i ndarë por nuk e di për çfarë konflikti bëhet fjalë”, ka deklaruar vëllai i Vilson Çutaj.

Pas presioneve në Bajzë policia ka dyshime të forta se shtetasi Danjel Pepaj i ka thënë dy të tjerëve se do t’ua gjente ai mallin prej 20 kilogramësh të hashashit ndërsa janë nisur drejt fshatit Vrith në Malësinë e Madhe. Në mal dyshohet se tek vendi ku mund të ketë patur drogën të fshehur ka qenë edhe arma me të cilën dyshohet se ka vrarë të dy shtetasit dhe më pas dyshohet se ka zhdukur trupat e pa jetë.

Vëllai i Vilsonit, Olsi Çutaj ka deklaruar në dëshminë e tij se ai vetë ka qëndruar poshtë tek lokali në Vrith për t’i pritur të vëllanë dhe dy të tjerët. “Nga Bajza kemi shkuar të katërt drejt Vrithit. Unë kam qëndruar tek lokali ndërsa vëllai dhe dy të tjerët kanë shkuar në drejtim të malit për të sqaruar konfilktin mes tyre. Nuk e kam idenë se për çfarë konflikti bëhet fjalë”.

Ndërkohë pas pak orësh banorët kanë treguar se kanë dëgjuar të shtëna armësh. Deri më tani kjo pjesë ka dy versione pasi disa janë shprehur se kanë dëgjuar të shtëna automatiku ndërsa disa të tjerë thonë se kanë dëgjuar disa lloje të shtënash nga armë të ndryshme. Policia beson se ka patur vetëm dy të shtëna automatiku dhe jo më shumë.

Ndryshe nga banorët vëllai i Vilsonit, Olsi Çutaj ka deklaruar në dëshminë e tij se “unë nuk kam dëgjuar krisma armësh pasi kam qenë në lokal por jam shqetësuar sepse vëllai dhe dy të tjerët u vonuan dhe kam lajmëruar policinë”.

Babai i Danjel Pepaj, shtetasi Rrok Pepaj ka deklaruar në dëshminë e tij për policinë se djali i tij prej dy javësh nuk ndodhej fare në Shqipëri sepse sipas tij kishte shkuar për të punuar në Malin e Zi. Këtë pretendim e rrëzon poshtë vëllai i Vilsonit, Olsi Çutaj i cili ka treguar se në tre tetor kanë qenë të katërt tek lokali në Bajzë dhe më pas kanë shkuar drejt Vrithit ndërsa e kanë parë Danjelin edhe banorë të tjerë.

Po nga burimet pranë banorëve shtetasi Danjel Pepaj është parë me armë në fshatin Zagorë, një fshat rruga e të cilit lidhet në këmbë me pjesën malore ku kanë qenë tre shtetasit. Brenda 12 orësh nga ngjarja policia dyshon se Danjel Pepaj është arratisur drejt shtetit fqinj të Malit të Zi. Policia vijon hetimet për zbardhjen e plotë të ngjarjes së rëndë ndërsa vijojnë kërkimet nga familjarët dhe efektivët në gjithë zonën malore për gjetjen e trupave të Vilson Çutaj dhe Klement Pepaj që mendohen si të vrarë.

rdadmin

Recent Posts

Surprizë/ Almeda Abazi dhe Tolgahan do të bëhen prindër për herë të dytë

Almeda Abazi është komentuar gjithmonë për thjeshtësinë e saj, jo vetëm në mediat shqiptare, por…

3 days ago

“Ndërsa shtrëngoja fëmijën tim të parë, humba të dytin”/ Meghan Markle zbulon çfarë i ndodhi në korrik

Dukesha e Sussex, Meghan Markle ka zbuluar se ka humbur një foshnjë në muajin korrik.…

3 days ago

Humbi dy vëllezërit nga Covid-19, pedagogu: Nuk prisnim që kolla t’i merrte jetën, u bllokua informacioni!

Afrim Osmani është pedagogu shqiptar, i cili humbi brenda pak orësh dy vëllezërit e tij.…

3 days ago

“Oj lavire, kam me…”/ Djali i deputetit shqiptar që kërcënonte të dashurën e të atit, merr postin e rëndësishëm

Flakron Shala, djali i deputetit Haxhi Shala, i cili është emëruar Konsull i Përgjithshëm në…

3 days ago

I prekur nga Covid-19, trajneri i Kukësit dërgohet me urgjencë në Turqi

Trajneri i Kukësit, Skënder Gega është dërguar me urgjencë në Turqi për kurim të specializuar…

3 days ago

Nuk ndalet koronavirusi, humb jetën një tjetër mjek

DIBER Një tjetër mjek nuk ka mundur ta fitojë betejën me COVID-19. Ka ndërruar jetë…

3 days ago