Xhensila Myrtezaj përlot me historinë e nënës së saj/ Mami punonte naten, me merte me vete

0
97





Xhensila Myrtezaj u surprizua këtë të shtunë nga e ëma e saj. Ajo i dedikoi fjalët më të ndjera, të cilat përloten këngëtaren.

Më pas, Xhensila rrëfeu hallet që ka bërë e ëma për ta rritur atë. Këngëtarja tregoi se ajo punonte në një furrë buke, ku e merrte dhe atë pasi nuk kishte ku ta linte.





“Jam njeriu më me fat në botë që kam pasur këtë nënë. Ma ka mbajtur dorën fort atëherë kur ka qenë shumë e dobët vetë dhe ka gjetur forcë para meje gjithmonë, asnjëherë nuk e kam parë të lëkundur. Më ka rritur me shumë sakrifica, me sakrifica të jashtëzakonshme. Mbaj mend që punonte turn të tretë në një furrë buke, madje më merrte dhe mua me vete se nuk kishte ku të më linte. Të nesërmen vraponim, unë për të shkuar në shkollë dhe mami për të shkuar në punë. Më përgatiste mua, më jepte për të ngrënë dhe vazhdonte të punonte. E kam parë vetëm duke punuar, e kam parë vetëm stoike, një një nënë shumë të ndershme, me shumë parime dhe unë e them me plot bindje se jam kjo që jam falë kësaj nënë”, rrëfeu Xhensila.





“Sot dua ta bërtas krenarinë për mamanë time dhe dua t’i them që faleminderit për gjithçka, që më solle në jetë, që më edukove, që më ke qëndruar pranë, faleminderit që do jesh dhe ke për të qenë gjithmonë se unë kam për të të mbajtur fort pranë meje gjithë jetës”, shtoi ajo.





.

LEAVE A REPLY

Please enter your comment!
Please enter your name here